भाविकांच्या सहकार्याने गेल्या २५ वर्षांत देवस्थान परिसरात क्रमाक्रमाने अनेक सोई-सुविधा उभ्या राहिल्या—

भाविकांनी गरजेनुसार व कुवतीनुसार अन्नसामग्री, सेवा आणि दानातून या देवस्थानाच्या आजच्या स्वरूपाला आकार दिला आहे.

भविष्यातील गरजांचा विचार करून काही भाविकांनी जमीनदान करून विकासासाठी पुढाकार घेतला आहे.

सुखसाधनांपासून अलिप्त राहून, सात्त्विक जीवन, भक्तिभाव आणि सहज प्रबोधनातून त्यागी महाराजांनी गावकऱ्यांना अध्यात्मिक प्रगतीचा मार्ग दाखवला. देहत्यागापूर्वी त्यांनी “या भूमीत माझा उत्तराधिकारी येईल आणि सत्य, धर्म व नीतीचे बीज पेरले जाईल” अशी भविष्यवाणी ग्रामस्थांना सांगितली होती. १५ सप्टेंबर १९९६ रोजी त्यागी महाराजांनी देहत्याग केला.

त्यागी महाराजांच्या कार्याला सुयोग्य दिशा, शिस्त आणि सातत्य मिळावे यासाठी नंदगिरी महाराजांनी श्री तिर्थक्षेत्र सोळा शिवलिंग शनैश्वर देवस्थान चॅरिटेबल ट्रस्टची स्थापना केली. नियम, नियोजन आणि पारदर्शकतेच्या बळावर देवस्थानाची वाटचाल सुरू झाली.

☑️हुंडामुक्त सामुदायिक विवाह सोहळे

☑️मोफत वैद्यकीय व आरोग्य शिबिरे

☑️मोफत शालेय साहित्य वाटप

☑️व्यसनमुक्ती व अंधश्रद्धा निर्मूलन प्रबोधन

☑️रक्तदान शिबिरे

☑️गरजू मुलांचे संगोपन

☑️कोरोना काळातही अन्नधान्य, औषधे, कपडे व जीवनावश्यक वस्तूंचे वाटप करून मानवतेची सेवा करण्यात आली.

देवस्थानात शनीदेवांची उपासना केंद्रस्थानी असून सत्य, शिस्त आणि कर्मनिष्ठेचे तत्त्व भाविकांपर्यंत पोहोचवले जाते.

शनीजयंती, शनी अमावस्या, शनी जन्मोत्सव, त्यागेश्वर महाराज पालखी सोहळा, अभिषेक, होमहवन, त्रिकाल महाआरती, सत्संग, पारायण अशा विविध धार्मिक परंपरा अखंड सुरू आहेत.

राज्यस्तरीय साहित्य संमेलन, काव्य संमेलन, संस्कार शिबिरे आणि समाजातील उल्लेखनीय व्यक्तींना “शनैश्वर कृतज्ञता पुरस्कार” देऊन सन्मानित करण्याची परंपराही देवस्थान जपत आहे.

सध्या देवस्थानाला महाराष्ट्र शासनाचा तिर्थक्षेत्र “ब-वर्ग” व शासनमान्य वनपर्यटन दर्जा प्राप्त झाला असून शासकीय सहकार्याने पुढील विकासकार्य सुरू आहे.भाविक म्हणून या पवित्र कार्यात आपलाही सहभाग महत्त्वाचा आहे. विश्वास, गुणवत्ता आणि सेवाभावाचे प्रतीक

श्री तिर्थक्षेत्र सोळा शिवलिंग शनैश्वर देवस्थान, सोळशी येथे देणगी देणाऱ्या भाविकांना आयकर कायद्यानुसार कलम 80G अंतर्गत विशेष करसूट मिळते.

देवस्थानास NS-EN ISO 9001 : 2008 / ISO 9001 : 2008 हे आंतरराष्ट्रीय गुणवत्ता मानांकन प्राप्त असून पारदर्शक प्रशासन, नियोजनबद्ध कार्यपद्धती आणि सेवाभाव याचे हे प्रतीक आहे.

स्वच्छ व सुंदर परिसर, शिस्तबद्ध व्यवस्थापन आणि विनम्र व सेवाभावी सेवेकरी यांमुळे शनैश्वर देवस्थान भाविकांच्या विश्वासाला पात्र ठरत आहे आणि सेवेमध्ये अग्रगण्य स्थान मिळवत आहे.